2008-11-18 12:30:46
"ОГТЛОЛЦОХУЙ"-гаас хэдэн шүлэг...
Элеги
/таталбар/
Ширгэлгүй үлдсэн жижигхэн горхинд
Жигтэйхэн их баярлах юм
Шинээр цухуйсан аймшиггүй нахианд
Үхтлээ их баярлах юм
Өөр баярлах юм ч
Амьдралд өнөө алга даа!..
Ө-ө, нэг юм байна,
Мартчихаа шахлаа,-
Үхсэн хүнд!..
"Дамдинсүрэнгийн Урианхай" цааш унших »
Жигтэйхэн их баярлах юм
Шинээр цухуйсан аймшиггүй нахианд
Үхтлээ их баярлах юм
Өөр баярлах юм ч
Амьдралд өнөө алга даа!..
Ө-ө, нэг юм байна,
Мартчихаа шахлаа,-
Үхсэн хүнд!..
"Дамдинсүрэнгийн Урианхай" цааш унших »
Р.Энхтуяа /Эмүжин/-гийн гоё шүлэг. Үнэн зүрхнээсээ хэн нэгэнд ингэж уншмаар болоод... Гэтэл бас зүүн хөхний цаахантаа хөндүүрлэх нь "худлаа шүү" гэж хэлээд ч байх шиг Хачин...
Цастай өглөө тагтан дээр цаасан онгоц. 
Сонин дээрээс санаандгүй гоё шүлгүүд олоод уншчлаа. Японы суут шүлэгч Шүнтаро Таникава. 1931 онд төржээ. 17 настайгаасаа шүлэг бичиж эхлэн 21 насандаа анхны түүвэр болох "Хорин тэрбум гэрлийн жилийн уйтгар" номоо хэвлүүлсэн нь урьд өмнө байгаагүй шинэлэг утга уянгын илэрхийлэл болж чадсан. Шүнтаро Таникаваг дайны дараах Японы яруу найргийн тугийг өргөсөн манлайлагч хэмээн үздэг юм байна. Саяхан түүний шилмэл 100 шүлэг нь багтсан "Сонгомол шүлгүүд" номыг орчуулагч С.Хадаа монгол хэлнээ орчуулан хэвлүүлсэн юм байна шүү. Олж авдаг хэрэг ээ. Сонин дээрх хэдэн шүлэг нь надад лав маш их таалагдлаа. "Миний бүсгүй хүний онол", "Цус"... ер нь л бүгд янзтай санагдлаа.
Номын өмнөтгөлд "Хагас зууны тэртээгээс өнөөдрийг хүртэл хүн ба хүн төрөлхтөн, амьдрал ба амь насны тойрогт эргэлдэж онгон байгаль, хайр сэтгэл ба амьдрал үхлийг үлэмж тунгаасан. Тиймээс хүний далд сэтгэлгээ, сэтгэхүйг тодорхой гаргадаг биз ээ. Бүтээл дотор нь сэтгэл хөдлөл (өрөвч), дэлхий (орчлон), дуугүй (уйтгар), хэлбэргүй хөгжмийн утас мэт холбогдон хөвөрч байдаг юм. Яруу найрагчийн хувь заяа хоёр янз. Нэг нь цагийн тоосонд дарагдаж амьдаараа оршуулагдана. Эсвэл эсрэгээрээ цаг хугацааны эзэн болно. Таникава бол хоёр дахь нь юм. Үнэндээ бүтээлийг нь уншиж байхад зууныг даван туулсан суу билэгтэнтэй ярилцах мэт сэтгэгдэл төрдөг" гэж Хятадын алдарт яруу найрагч, утга зохиолын доктор Тиан Юан өгүүлсэн байна гэнэ. Аа бас энэ эрхэм хүн шилдэг бүтээлээрээ Нобелийн утга зохиолын шагналд нэр дэвшээд байгаа юм байна.
